ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఏఁబదియైదవ పద్యము:
చంపకమాల:
నెఱి నిల నీ స్థితి న్నెఱుఁగ, ని న్నల దేవమునీంద్రుఁ డంత, నం
దఱఁ గనఁ, దాఁ జన, న్నచట దారల, నెంచఁ బదాఱువేల నం
దఱ, నల వల్లభల్ ప్రముదితల్ గల నిన్ గనఁ, బ్రస్తుతింతె క్ర
మ్మఱ నగుచున్! హరీ! యెసఁగ మానిత సత్కృతు లిత్తె! కేశవా! 55
గర్భిత కందము:
ఇల నీ స్థితి న్నెఱుఁగ, ని
న్నల దేవమునీంద్రుఁడంత, నందఱఁ గనఁ, దా
నల వల్లభల్ ప్రముదితల్
గల నిన్ గనఁ, బ్రస్తుతింతె క్రమ్మఱ నగుచున్! 55
గర్భిత తేటగీతి:
ఎఱుఁగ, ని న్నల దేవమునీంద్రుఁడంత,
నచట దారల, నెంచఁ బదాఱువేల
ప్రముదితల్ గల నిన్ గనఁ, బ్రస్తుతింతె!
యెసఁగ మానిత సత్కృతు లిత్తె! కేశ! 55
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి