Blogger Tips and TricksLatest Tips And TricksBlogger Tricks

సోమవారం, జులై 19, 2021

డెబ్బదియాఱవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

ఓం నమో భగవతే వాసుదేవాయ

శ్రీ కేశవ కంద గీత గర్భ చంపకోత్పల శతకము
[గర్భకవిత్వము]


డెబ్బదియాఱవ పద్యము:

చంపకమాల:
జన గుణపోషకా! ప్రణవ! సద్గుణ షోడశ! రాఘవాఖ్య! కూ
ర్మిని నిలలో హరీ! యతుల రీతిని రామకథామృతమ్ము ని
మ్మున గణియించుచున్ మునియె ప్రోద్గుణి వాల్మికి పూని వ్రాసి, భూ
ర్ణిని నిలిపెన్! దివిన్ ముని విరించులఁ బ్రీతిని ముంచెఁ గేశవా! 76

గర్భిత కందము:
గుణపోషకా! ప్రణవ! స
ద్గుణ షోడశ! రాఘవాఖ్య! కూర్మిని నిలలో
గణియించుచున్ మునియె ప్రో
ద్గుణి వాల్మికి పూని వ్రాసి, భూర్ణిని నిలిపెన్! 76

గర్భిత తేటగీతి:
ప్రణవ! సద్గుణ షోడశ! రాఘవాఖ్య!
యతుల రీతిని రామకథామృతమ్ము
మునియె ప్రోద్గుణి వాల్మికి పూని వ్రాసి,
ముని విరించులఁ బ్రీతిని ముంచెఁ గేశ! 76



స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు

వ్యాఖ్యలు లేవు:

వ్యాఖ్యను పోస్ట్ చెయ్యండి