Blogger Tips and TricksLatest Tips And TricksBlogger Tricks

గురువారం, జులై 01, 2021

ఏఁబదినాలుఁగవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

ఓం నమో భగవతే వాసుదేవాయ

శ్రీ కేశవ కంద గీత గర్భ చంపకోత్పల శతకము
[గర్భకవిత్వము]


ఏఁబదినాలుఁగవ పద్యము:

చంపకమాల:
భువి జన సంస్తుతా! పితయె పొమ్మనఁ గానకు, వేగఁ జేరి, య
ర్కవరకులా! హరీ! సతియు, గాదిలి తమ్ముఁడు సంతసింప, శ్రీ
ధవ! ఘన వర్తనా!  బరఁగ దానినె స్వర్గము పాటిదంచు, ని
ల్చి, వఱలితే! విధిన్ బ్రచుర ప్రీతినిఁ దాల్చితె! రామ! కేశవా! 54

గర్భిత కందము:
జన సంస్తుతా! పితయె పొ
మ్మనఁ గానకు, వేగఁ జేరి, యర్కవరకులా!
ఘన వర్తనా!  బరఁగ దా
నినె స్వర్గము పాటిదంచు, నిల్చి, వఱలితే! 54

గర్భిత తేటగీతి:
పితయె పొమ్మనఁ గానకు, వేగఁ జేరి,
సతియు, గాదిలి తమ్ముఁడు సంతసింపఁ,
బరఁగ దానినె స్వర్గము పాటిదంచుఁ,
బ్రచుర ప్రీతినిఁ దాల్చితె! రామ! కేశ! 54



స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు

వ్యాఖ్యలు లేవు:

వ్యాఖ్యను పోస్ట్ చెయ్యండి