Blogger Tips and TricksLatest Tips And TricksBlogger Tricks

మంగళవారం, మార్చి 31, 2015

దత్తపది: అసి-కసి-నుసి-మసి...కార్తికపౌర్ణమి వర్ణన...నచ్చిన ఛందస్సులో...

తేది: నవంబర్ 05, 2014 నాటి శంకరాభరణంలోని దత్తపది శీర్షికన
అసి - కసి - నుసి - మసి
పదాలను ఉపయోగిస్తూ
కార్తిక పూర్ణిమను గురించి
నచ్చిన ఛందంలో పద్యం వ్రాయమనగా
నేను వ్రాసిన కందపద్యం



కం.
అసియాడు మేఘములఁ గని
కసి
మసఁగుచుఁ జంద్రుఁ డెలమిఁ గార్తికమునఁ దా
ను సి
గపువయి హరుని దయను
మసి
చేసెను జీఁకటులను మహిఁ బౌర్ణమినిన్!


ఆదివారం, మార్చి 29, 2015

సమస్య: వార్ధకమ్మునఁ గావలెఁ బడుచు భార్య

తేది: నవంబర్ 04, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము:



("ఈ నవయౌవనంపు హేమంతమ్మునను నాకుఁ బెండ్లి యింకనుం గాలేదు గదా!"యని యొక యువకుఁడు తపించుచున్న సందర్భము)



ఇరువదొక్కేఁడు నేగె! నభీప్సితమ్ముఁ
దీరదాయె! నా పెండ్లి కా దింత దాఁక!
రేఁగె మదిఁ గోర్కె! యీ పంచ త్రింశతియు న
వార్ధకమ్మునఁ గావలెఁ బడుచు భార్య!


(పంచత్రింశతియు-నవ = 35 + 9 = 44 ఏండ్లు;
అర్ధకమ్మున = సగము వయస్సున = 44 ఏండ్లలో సగము = 22 ఏండ్ల వయస్సున)



శనివారం, మార్చి 07, 2015

న్యస్తాక్షరి: ప్రతిపాదాద్యక్షరాలుగా వి-శ్వ-రూ-ప...ఆటవెలఁది పద్యంలో...కురుసభలో శ్రీకృష్ణ విశ్వరూప ప్రదర్శనం...

తేది: నవంబర్ 03, 2014 నాటి శంకరాభరణంలోని న్యస్తాక్షరి శీర్షికన ఈయబడిన
అంశం- కురుసభలో కృష్ణుఁడు విశ్వరూపాన్ని ప్రదర్శించుట
ఛందస్సు- ఆటవెలఁది
నాలుగు పాదాలలో మొదటి అక్షరాలుగా వరుసగా
‘వి - శ్వ - రూ - ప’ అని ఉండాలనగా
నేను వ్రాసిన పద్యము:




వినయ మెసఁగఁ జేరి వృష్ణియు సరగున
శ్వశురు సభను గురులు బాంధవులకు
రూఢిఁ దనదు విశ్వరూపమ్మునుం జూపి
రమపదముఁ జేరు పథముఁ దెలిపె!




శుక్రవారం, మార్చి 06, 2015

సమస్య: దీపముఁ బెట్టంగఁ దగును తెలవాఱంగన్

తేది: నవంబర్ 02, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము:






చూపరి సూర్యుఁడు జనులకుఁ
దాపపుఁ దిమిరమ్ముఁ బాప ధవళిత కరుఁడై
తూపగు నిరులకు నిఁక త
ద్దీపముఁ బెట్టంగఁ దగును తెలవాఱంగన్!