Blogger Tips and TricksLatest Tips And TricksBlogger Tricks

గురువారం, జూన్ 20, 2019

స్తనములు నాల్గు గల్గిన సుందరి...


a lady with pearles in neck image hd కోసం చిత్ర ఫలితం

శంకరాభరణంలో నేఁటి (20.06.2019) సమస్య: 
స్తనములు నాల్గు గల్గు నొక చాననుఁ గాంచితి నయ్య మిత్రమా 

నా పూరణము: 

[ఒకఁడు తన మిత్రునితో నొక సుందరినిఁ జూచితినని వచించిన సందర్భము] 

"ఘనతర నాట్యభంగిమము కమ్రవిలాస సువర్ణహాస వ 
ర్తనము స్వరూపమో వినుత రమ్య విశిష్ట ప్రహృష్ట దీప్త మా 
మనమున సంతసమ్ము విసుమానము కన్నులఁ గంఠమందు గో 
స్తనములు నాల్గు గల్గు నొక చాననుఁ గాంచితి నయ్య మిత్రమా!

(గోస్తనము=నలువది పేటలు గల ముత్యాల హారము

స్వస్తి


12 కామెంట్‌లు:

  1. చాన=స్త్రీ=సుందరి కాదా! పద్యంలో అంతయు సుందరీ ప్రస్తావనయే గదా! స్పందించినందుకు ధన్యవాదాలండీ Unknown గారూ!

    రిప్లయితొలగించు

  2. చిత్రము వృత్తము ఒక దానికొకటి పోటీ "పడుచు" న్నాయి :)



    జిలేబి

    రిప్లయితొలగించు
  3. మీ అభిమానపూర్వక స్పందనకుఁ గడుంగడు కృతజ్ఞుఁడనండీ జిలేబీగారూ!

    రిప్లయితొలగించు
  4. ఘన జఘనంపు భారమున , కాళ్ళు వడంక నొకింత , గొంతు కూ
    ర్చుని , యొక చేత గోవు నలు రొమ్ములపై జలధార చల్లి , పా
    లను ఘనపాత్రలో పితుకు లాఘవ మొప్పెడు నాతి చేతిలో
    స్తనములు నాల్గు గల్గు నొక చానను గాంచితినయ్య మిత్రమా .

    రిప్లయితొలగించు
  5. మాన్యులు లక్కాకుల వారికి నమస్సులు! అద్భుతమైన భావన! కాని, చేత గోవు నలు రొమ్ములు, చేతిలో స్తనములు నాల్గు...అను పదములు పునరావృత్తి కావచ్చునా అని అనుమానము!

    రిప్లయితొలగించు
    రిప్లయిలు
    1. ఆర్యా!

      ఘన జఘనంపు భారమున , కాళ్ళు వడంక నొకింత , గొంతు కూ
      ర్చుని , యట నల్లగోవు నలు రొమ్ములపై జలధార చల్లి , పా
      లను ఘనపాత్రలో పితుకు [లాఘవ మొప్పుఁ గరద్వయంబునన్/లాఘవ మొప్పెడునట్టి చేతిలో]
      స్తనములు నాల్గు గల్గు నొక చానను గాంచితినయ్య మిత్రమా!

      అని సవరించినచో...ఎలా వుంటుందండీ...
      (సవరణలు మైలవరపువారు, సూరంవారు, కందివారు ముగ్గురివీనూ...)

      తొలగించు
  6. మధుసూదన్ గారూ ,
    ముందుగా మీకు ధన్యవాదములు ,
    ఉద్దండులచేత సవరణలు చేయించి పూరణకు వన్నెతెచ్చారు . వారందరకూ నమశ్శతాలు .

    రిప్లయితొలగించు
  7. అంతా మీవంటి పెద్దల ఆశీర్వాదబలమేనండీ! నమస్సులు!

    రిప్లయితొలగించు
  8. మధుసూదన్ గారు. మీరు వ్రాసే పద్యాలు చాలా మధురంగా ఉంటాయి. అయితే ఈ రకమైన ఆశీల జుగుప్స సమస్యలకు పద్యాలు వ్రాయవద్దు అని వినతి.

    దయచేసి పాండిత్యాన్ని ఇలాంటి నీచమైన స్త్రీ శరీర అంగాలను స్ఫూరింపజేసే రచనలకు ఉపయోగించ వద్దు. పై పెచ్చు ఆ బొమ్మ ప్రచురించడం సరికాదు.

    రిప్లయితొలగించు
    రిప్లయిలు
    1. సమస్యలంటేనే ఇలా వుంటాయండీ! జుగుప్స కలిగించేలాగానే స్ఫురిస్తాయి. కవి తన ప్రతిభ చేత ఆ అశ్లీలతను దూరంచేసి, పఠితలకు అమందానందాన్ని కలిగిస్తాడు.

      స్పందించి, వ్యాఖ్య పెట్టినందులకు ధన్యవాదములు!

      తొలగించు