గుణవంతుఁడగు శిశుపాలునిఁ జంపవచ్చునా?

శంకరాభరణంలో నేఁటి (24-06-2019) సమస్య:

వరగుణవంతుఁడైన శిశుపాలునిఁ గృష్ణుఁడు సంపుటొప్పునే

నా పూరణము:

[శ్రీకృష్ణుఁడు శిశుపాల వధ మొనర్చుటను జీర్ణించుకొనలేక కౌరవ దుష్టచతుష్టయమైన దుర్యోధన దుశ్శాసన శకుని కర్ణాదులు తమలో తాము వితర్కించుకొను సందర్భము]

"స్థిరతఁ గురూపి రూపసిగఁ జేసిన మాత్రనఁ దాను రుక్మిణీ
తరుణిని లేవఁదీసికొని ధర్మువు వీడి చనంగ న్యాయమే?
సరవిని నూఱు తప్పులివి చంపెద నంచును దుర్మదంబునన్
వరగుణవంతుఁడైన శిశుపాలునిఁ గృష్ణుఁడు సంపుటొప్పునే?"

స్వస్తి