శంకరాభరణంలో నేఁటి (29-06-2019) సమస్య:
మోసముఁ జేయువారలకె పుణ్యఫలంబు లభించు నెల్లెడన్
నా పూరణము:
[శివవరగర్వమున శివునే భస్మము సేయఁబూనిన భస్మాసురుని, విష్ణువు మోహినీ రూపమునఁ దన యాటపాటలతో మురిపించి, భస్మము చేసి, నుతికెక్కినాఁడు! ఇటుల మోసముతో వరముఁగొనిన ప్రమాదకారినే మోసగించిన విష్ణువు వంటి వారలకే తత్పుణ్యఫలము దక్కును గదా! అనుట]
హాసవిలాసనర్తనల నాటలఁ బాటల ముంచి తేల్చి కా
దే సెలరేఁగు బూదిపొలదిండినిఁ గూల్చి పొగడ్త లందెఁ బ
ద్మాసనుతండ్రి మోహినిగఁ దాలిచి రూపము! మోసగాండ్రనే
మోసముఁ జేయువారలకె పుణ్యఫలంబు లభించు నెల్లెడన్!!
హాసవిలాసనర్తనల నాటలఁ బాటల ముంచి తేల్చి కా
దే సెలరేఁగు బూదిపొలదిండినిఁ గూల్చి పొగడ్త లందెఁ బ
ద్మాసనుతండ్రి మోహినిగఁ దాలిచి రూపము! మోసగాండ్రనే
మోసముఁ జేయువారలకె పుణ్యఫలంబు లభించు నెల్లెడన్!!
స్వస్తి
కామెంట్‌లు లేవు:
కామెంట్‌ను పోస్ట్ చేయండి