ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఎనిమిదవ పద్యము:
ఉత్పలమాల:
నీ, దరిలేనిదౌ దయను, నీ వర రూపముఁ దా భజింపఁ, బ్ర
హ్లాదుఁ డటన్; గటా! కృప సెడం గశిపుం డెదఁ గిన్కఁబూని, చ
క్రీ! ధరఁ దండ్రియే, వెతలుఁ గీ ళ్ళిరవం దిడ, వే నృసింహ! త్రెం
తే, దనుజున్! సుతున్, నతి హృదిం గొని, కాచితె; నంద! కేశవా! 8
గర్భిత కందము:
దరిలేనిదౌ దయను, నీ
వర రూపముఁ దా భజింపఁ, బ్రహ్లాదుఁ డటన్!
ధరఁ దండ్రియే, వెతలుఁ గీ
ళ్ళిరవం దిడ, వే నృసింహ! త్రెంతే, దనుజున్! 8
గర్భిత తేటగీతి:
దయను నీ వర రూపముఁ దా భజింపఁ;
గృప సెడం గశిపుం డెదఁ గిన్కఁబూని,
వెతలుఁ గీ ళ్ళిరవం దిడ, వే నృసింహ!
నతి హృదిం గొని, కాచితె; నంద! కేశ! 8
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
వెనుకటి పద్యాలతో పోల్చితే ఇది కొంచెం ధారాశుధ్ధిగా వచ్చినట్లు అనిపిస్తున్నదండీ
రిప్లయితొలగించండిప్రోత్సాహక రూపమైన మీ మెచ్చుకోలునకు మనఃపూర్వక కృతజ్ఞతలండీ శ్యామలరావుగారూ! ప్రతిబంధకాలను ఎదుర్కొంటూ పద్యాన్ని ధారాశుద్ధితో నడపడం కత్తిమీద సామేనండీ! ధన్యవాదములు!
తొలగించండి