ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఇరువదియొకటవ పద్యము:
చంపకమాల:
అనుదిన, మో హరీ! మహిని నల్లిన సుందర మాల్యమందు లీ
లను నినుఁ దా వెసన్ గనును లాలన నిన్నటఁ గైటభారి! నం
దన ఘన! నాంతరా! కృప, సుదాముని మ్రొక్కు గ్రహించి, యిత్తె, పూ
జనము మెయిన్! నతుల్ వరద! చక్రధరా! ద్విజవాహ! కేశవా! 21
గర్భిత కందము:
దిన, మో హరీ! మహిని న
ల్లిన సుందర మాల్యమందు లీలను నినుఁ దా
ఘన! నాంతరా! కృప, సుదా
ముని మ్రొక్కు గ్రహించి, యిత్తె, పూజనము మెయిన్! 21
గర్భిత తేటగీతి:
మహిని నల్లిన సుందర మాల్యమందుఁ
గనును లాలన నిన్నటఁ గైటభారి!
కృప, సుదాముని మ్రొక్కు గ్రహించి, యిత్తె
వరద! చక్రధరా! ద్విజవాహ! కేశ! 21
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి