ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఉత్పలమాల:
శ్రీ రవినేత్ర! వే దయను సేయవె రమ్మన దాసుఁడయ్యు న
క్రూరుఁడు రాన్, హరీ! యెడఁదఁ గూరిమితోఁ గరుణించి, యేఁగ, నీ
వై రవళించు నా సరసి, నన్నువు నిన్ గని, సంతసించె నో
ధీరవరా! నతుల్ బగుతుఁ దేర్చితె యంది సపర్యఁ గేశవా! 20
గర్భిత కందము:
రవినేత్ర! వే దయను సే
యవె రమ్మన దాసుఁడయ్యు నక్రూరుఁడు రాన్,
రవళించు నా సరసి, న
న్నువు నిన్ గని, సంతసించె నో ధీరవరా! 20
గర్భిత తేటగీతి:
దయను సేయవె రమ్మన దాసుఁడయ్యు!
నెడఁదఁ గూరిమితోఁ గరుణించి, యేఁగ,
సరసి, నన్నువు నిన్ గని, సంతసించె!
బగుతుఁ దేర్చితె యంది సపర్యఁ గేశ! 20
స్వస్తి
'మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి