Blogger Tips and TricksLatest Tips And TricksBlogger Tricks

శుక్రవారం, మే 14, 2021

నాలుఁగవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

 ఓం నమో భగవతే వాసుదేవాయ


శ్రీ కేశవ కంద గీత గర్భ చంపకోత్పల శతకము
[గర్భకవిత్వము]


నాలుఁగవ పద్యము:

చంపకమాల:
విను, కమలాక్ష! నా శతక భేదము; నుత్పల చంపకాల క
డ్పునఁ దెలియన్ గడున్ సులువు; పొల్పగు పద్యముఁ సొచ్చియుండుఁ జ
క్కన; నమృతేశయా! యవియ, కందము గీతము; లందుకొమ్మ; దా
సునిఁ గనుమా! వెసన్ దయనుఁ జూపుమ వ్రాయఁగఁ! దార్క్ష్య! కేశవా! 4

గర్భిత కందము:
కమలాక్ష! నా శతక భే
దము నుత్పల చంపకాల కడ్పునఁ దెలియ,
న్నమృతేశయా! యవియ, కం
దము గీతము; లందుకొమ్మ! దాసునిఁ గనుమా! 4

గర్భిత తేటగీతి:
శతక భేదము నుత్పల చంపకాల,
సులువు పొల్పగు పద్యముఁ సొచ్చియుండు!
నవియ, కందము గీతము; లందుకొమ్మ!
దయనుఁ జూపుమ వ్రాయఁగఁ! దార్క్ష్య! కేశ! 4


స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు


కామెంట్‌లు లేవు:

కామెంట్‌ను పోస్ట్ చేయండి