మిత్రులందఱకు నమస్సులు!
శ్రీ మహావిష్ణు స్తుతి!
[గర్భకవిత్వము]
ద్విపద గర్భ స్రగ్విణీ వృత్తము
స్రగ్విణి:
శ్రీహరీ! రావయా! చిక్కులం బాపయా!
దేహమందున్ హరీ! తేజమున్ నింపయా!
మోహమున్ గూల్చియున్, మోక్షమందింపయా!
దాహమున్ దీర్చి, సత్త్వమ్ము నందింపయా!
[స్రగ్విణి లక్షణము: ర ర ర ర గణములు, యతిమైత్రి: 1 - 7, ప్రాస: ఉండును]
పై స్రగ్విణీ వృత్తములో దాగియున్న మరో పద్యము ఈ క్రింద ఈయబడినది:
గర్భిత ద్విపద:
శ్రీహరీ! రావయా! చిక్కులం బాప!
దేహమందున్ హరీ! తేజమున్ నింప!
మోహమున్ గూల్చియున్, మోక్షమందింప!
దాహమున్ దీర్చి, సత్త్వమ్ము నందింప!
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి