Blogger Tips and TricksLatest Tips And TricksBlogger Tricks

శనివారం, మే 22, 2021

పదునొకండవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

 ఓం నమో భగవతే వాసుదేవాయ


శ్రీ కేశవ కంద గీత గర్భ చంపకోత్పల శతకము
[గర్భకవిత్వము]

పదునొకండవ పద్యము:

చంపకమాల:
ఘన వర! పావనా! తులువ కర్వరిఁ దాటకఁ ద్రుంచి, కూర్చి ఱా
తిని సతిగా; హరత్రిణతఁ ద్రెంచియు, సీతఁ బ్రతిగ్రహించియున్
వని దరిఁ జేరియున్, దనుజ భాస్కరు రావణుఁ దాల్మి నొంతె! కాం
తిని నిడితే! నతుల్ వర సుధీగుణ! రామ! సువర్ణ! కేశవా! 11

గర్భిత కందము:
వర పావనా! తులువ క
ర్వరిఁ దాటకఁ ద్రుంచి, కూర్చి ఱాతిని సతిగా;
దరిఁ జేరియున్, దనుజ భా
స్కరు రావణుఁ దాల్మి నొంతె! కాంతిని నిడితే! 11

గర్భిత తేటగీతి:
తులువ కర్వరిఁ దాటకఁ ద్రుంచి, కూర్చి
త్రిణతఁ ద్రెంచియు, సీతఁ బ్రతిగ్రహించి,
దనుజ భాస్కరు రావణుఁ దాల్మి నొంతె!
వర సుధీగుణ! రామ! సువర్ణ! కేశ! 11



స్వస్తి
'మధురకవి’ గుండు మధుసూదన్, శేషాద్రిహిల్స్, ఓరుగల్లు


కామెంట్‌లు లేవు:

కామెంట్‌ను పోస్ట్ చేయండి