Blogger Tips and TricksLatest Tips And TricksBlogger Tricks

ఆదివారం, మే 30, 2021

పదునెనిమిదవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

ఓం నమో భగవతే వాసుదేవాయ


శ్రీ కేశవ కంద గీత గర్భ చంపకోత్పల శతకము
[గర్భకవిత్వము]


పదునెనిమిదవ పద్యము:

చంపకమాల:
శ్రిత జన రక్షకా! యల కుచేలుని నీ పద మంద నిత్తె! లో
లత నడఁతే! హరీ! కృశుఁడు బ్రాహ్మణుఁ డెక్కడ? కృష్ణుఁ డేడ? కా
మిత ధన మిచ్చియున్ సఖుని మేదినిలో, ఘన సౌఖ్యుఁ జేసి, దీ
క్షిత మిడితే! నతుల్ మిగుల క్షేమ మొసంగెడు మిత్ర! కేశవా! 18

గర్భిత కందము:
జన రక్షకా! యల కుచే
లుని నీ పద మంద నిత్తె! లోలత నడఁతే!
ధన మిచ్చియున్ సఖుని మే
దినిలో, ఘన సౌఖ్యుఁ జేసి, దీక్షిత మిడితే! 18

గర్భిత తేటగీతి:
అల కుచేలుని నీ పద మంద నిత్తె!
కృశుఁడు బ్రాహ్మణుఁ డెక్కడ? కృష్ణుఁడేడ?
సఖుని మేదినిలో, ఘన సౌఖ్యుఁ జేసి,
మిగుల క్షేమ మొసంగెడు మిత్ర! కేశ! 18



స్వస్తి
'మధురకవి’ గుండు మధుసూదన్, శేషాద్రిహిల్స్, ఓరుగల్లు



వ్యాఖ్యలు లేవు:

వ్యాఖ్యను పోస్ట్ చెయ్యండి