ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
పదునేడవ పద్యము:
చంపకమాల:
అల హరి సత్కథల్ శ్రవణమంది, రహించెను సత్యపూర్ణ ధీ
బల పర నిన్ గనన్, విశద భావన సేసె; తపించె; నెంచె; తా
నిల వర మందియున్! శ్రిత పరేశ! రమేశ! పరీక్షితుండు సం
ధిలఁ గొనియున్! నతుల్ ఘన! సుధీవర! చిద్గుణ గణ్య! కేశవా! 17
గర్భిత కందము:
హరి సత్కథల్ శ్రవణమం
ది, రహించెను సత్యపూర్ణ ధీబల పర నిన్
వర మందియున్! శ్రిత పరే
శ! రమేశ! పరీక్షితుండు సంధిలఁ గొనియున్! 17
గర్భిత తేటగీతి:
శ్రవణమంది, రహించెను; సత్యపూర్ణ!
విశద భావన సేసె; తపించె; నెంచె;
శ్రిత పరేశ! రమేశ! పరీక్షితుండు!
ఘన! సుధీవర! చిద్గుణ గణ్య! కేశ! 17
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి