Blogger Tips and TricksLatest Tips And TricksBlogger Tricks

బుధవారం, మే 12, 2021

రెండవ పద్యము: శ్రీ కేశవ కంద గీత గర్భ చంపకోత్పల శతకము [గర్భకవిత్వము]

 ఓం నమో భగవతే వాసుదేవాయ


శ్రీ కేశవ కంద గీత గర్భ చంపకోత్పల శతకము
[గర్భకవిత్వము]


రెండవ పద్యము:
చంపకమాల:
ధర సుకృతిన్, హరిన్, మిగుల ధార్మికు, శౌరిని మిన్నఁ జేసి, మే
దుర యశులై, కడున్ జన హృదుల్ వెలయంగఁ బ్రశస్తిఁ గన్న, స
ద్వర సుకవీశులౌ, గురులు వాల్మికి వ్యాసులకున్ నమింతు, శ్రీ
శ్వర కరుణన్, మహిన్ శతక సత్వరతన్ గనఁ, జక్రి! కేశవా! 2

గర్భిత కందము:
సుకృతిన్ హరిన్, మిగుల ధా
ర్మికు, శౌరిని మిన్నఁ జేసి, మేదుర యశులై,
సుకవీశులౌ, గురులు వా
ల్మికి వ్యాసులకున్ నమింతు, శ్రీశ్వర కరుణన్! 2

గర్భిత తేటగీతి:
మిగుల ధార్మికు, శౌరిని మిన్నఁ జేసి,
జన హృదుల్ వెలయంగఁ బ్రశస్తిఁ గన్న,
గురులు వాల్మికి వ్యాసులకున్ నమింతు,
శతక సత్వరతన్ గనఁ, జక్రి! కేశ! 2



స్వస్తి
'మధురకవి’ గుండు మధుసూదన్, శేషాద్రిహిల్స్, ఓరుగల్లు


వ్యాఖ్యలు లేవు:

వ్యాఖ్యను పోస్ట్ చెయ్యండి