మిత్రులందఱకు నమస్సులు
శ్రీ శివస్తుతి
[గర్భకవిత్వము]
కందగర్భ ప్రమితాక్షర వృత్తము
పురభిత్! పినాకి! నతభూప! రహిన్
స్థిరమౌ హృదిన్, భపతిశీర్ష! హరా!
విరచించు భక్తిఁ గొని, వే, పరమే
శ్వర! నా శ్రమమ్ముఁ ద్వరఁ బాపఁ గదే!
[ప్రమితాక్షర వృత్తలక్షణము: స జ స స గణములు. యతి: 1 - 9, ప్రాస: ఉండును]
పై ప్రమితాక్షర వృత్తములో దాగివున్న కందపద్యము:
గర్భిత కందము:
పురభిత్! పినాకి! నతభూ
ప! రహిన్ స్థిరమౌ హృదిన్, భపతిశీర్ష! హరా!
విరచించు భక్తిఁ గొని, వే,
పరమేశ్వర! నా శ్రమమ్ముఁ ద్వరఁ బాపఁ గదే!
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి