ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
చంపకమాల:
రసఁ గన, భార్గవా! పరశురామునివై, క్షితిపాలుఁ ద్రుంచిపో
వొ, సురనుతా! హరీ! యిరువదొక్కటి మార్లు దునీండ్రఁగూల్చి, తా
పసి మనముం గొనం బరఁగఁ బంక్తినిఁ గశ్యపవర్యు కిత్తె! ధీన్
రస కిడితే! ప్రభూ! నతులు! ప్రార్థనఁ జేసెద! నంద! కేశవా! 10
గర్భిత కందము:
కన, భార్గవా! పరశురా
మునివై క్షితిపాలుఁ ద్రుంచిపోవొ! సురనుతా!
మనముం గొనం బరఁగఁ బం
క్తినిఁ గశ్యపవర్యుకిత్తె! ధీన్ రస కిడితే! 10
గర్భిత తేటగీతి:
పరశురామునివై క్షితిపాలుఁ ద్రుంచి,
యిరువదొక్క దఫాలు దునీండ్రఁగూల్చి,
బరఁగఁ బంక్తినిఁ గశ్యపవర్యుకిత్తె!
నతులు! ప్రార్థనఁ జేసెద! నంద! కేశ! 10
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి