ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
చంపకమాల:
వర ఘన! మారజిత్! కపిలవస్తునఁ బుట్టిన గౌతమాఖ్య! సూ
ర్వరతపసీ! జినా! ప్రజల వ్యాకులముల్ గని, బౌద్ధుఁడైతివే!
త్వర మనమందు నే యహము వద్దని చెప్పితి వంతరంగమం
దరితతి వోన్! నతుల్ బుధ! తథాగత! లౌకిక బుద్ధ! కేశవా! 15
గర్భిత కందము:
ఘన! మారజిత్! కపిలవ
స్తునఁ బుట్టిన గౌతమాఖ్య! సూర్వరతపసీ!
మనమందు నే యహము వ
ద్దని చెప్పితి వంతరంగమం దరితతి వోన్! 15
గర్భిత తేటగీతి:
కపిలవస్తునఁ బుట్టిన గౌతమాఖ్య!
ప్రజల వ్యాకులముల్ గని, బౌద్ధుఁడైతి!
వహము వద్దని చెప్పితి వంతరంగ
బుధ! తథాగత! లౌకిక బుద్ధ! కేశ! 15
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి