ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
చంపకమాల:
నిలుపరి సోమకుం, డజుఁడు నిద్దుర నుండఁగ, నాగమాల దొం
గిల, ఝషమై, శ్రుతుల్ గొనిన క్రించునుఁ జంపియుఁ, గోరి, ప్రాఁతమి
న్కుల నిరవందఁగాఁ జదువు నొజ్జ రహింప నొసంగి, కొంటి సా
ధుల ప్రణతుల్, హరీ! జనుల స్తోత్రము లచ్యుత! చక్రి! కేశవా! 5
గర్భిత కందము:
పరి సోమకుం, డజుఁడు ని
ద్దుర నుండఁగ, నాగమాల దొంగిల, ఝషమై,
యిరవందఁగాఁ జదువు నొ
జ్జ రహింప నొసంగి, కొంటి సాధుల ప్రణతుల్! 5
గర్భిత తేటగీతి:
అజుఁడు నిద్దుర నుండఁగ, నాగమాల
గొనిన క్రించునుఁ జంపియుఁ, గోరి, ప్రాఁత
జదువు నొజ్జ రహింప నొసంగి, కొంటి
జనుల స్తోత్రము లచ్యుత! చక్రి! కేశ! 5
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి