ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ముప్పదిరెండవ పద్యము:
చంపకమాల:
అభిశపనమ్ముచే నల యహల్య పడెన్ శిలయై వనాన; రా
మ భజన చేకొనం గడచె, మాపులు ఱేపులు; కాంచ నిన్ను, దు
ర్లభ సుపరీక్షయై, తొరలె రామ, పడం బదధూళి యప్డు! మా
న్య! భవహరా! హరీ! ప్రణతు లచ్యుత! యిమ్ము శుభమ్ము! కేశవా! 32
గర్భిత కందము:
శపనమ్ముచే నల యహ
ల్య పడెన్ శిలయై వనాన; రామ భజనచే
సుపరీక్షయై, తొరలె రా
మ, పడం బదధూళి యప్డు! మాన్య! భవహరా! 32
గర్భిత తేటగీతి:
అల యహల్య పడెన్ శిలయై వనానఁ;
గడచె, మాపులు ఱేపులు; కాంచ నిన్నుఁ,
దొరలె రామ, పడం బదధూళి యప్డు!
ప్రణతు లచ్యుత! యిమ్ము శుభమ్ము! కేశ! 32
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి