ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ముప్పదియైదవ పద్యము:
చంపకమాల:
వెస ముని శప్తులై మహిఁ గుబేరుని సూనులు, మద్దులయ్యుఁ బ్రో
వ సరవితోఁ గనన్, విడిచి పాఱఁగ శాపము, వేచియుండియున్,
రస జనియించి, నిన్ జనని, గ్రక్కున ఱోటికిఁ జక్కఁగట్టఁ, గూ
ల్చి, సెలఁగితే! యిఁకన్ వెత హరింపఁగఁజేసితె ప్రీతిఁ, గేశవా! 35
గర్భిత కందము:
ముని శప్తులై మహిఁ గుబే
రుని సూనులు, మద్దులయ్యుఁ, బ్రోవ సరవితో
జనియించి, నిన్ జనని, గ్ర
క్కున ఱోటికిఁ జక్కఁగట్టఁ, గూల్చి, సెలఁగితే! 35
గర్భిత తేటగీతి:
మహిఁ గుబేరుని సూనులు, మద్దులయ్యు,
విడిచి పాఱఁగ శాపము, వేచియుండి,
జనని గ్రక్కున ఱోటికిఁ జక్కఁగట్ట,
వెత హరింపఁగఁజేసితె ప్రీతిఁ గేశ! 35
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి