ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఇరువదియెనిమిదవ పద్యము:
చంపకమాల:
ననుపిదె! భక్తిచేఁ బరఁగ నారదుఁడే తన పూర్వపుణ్య ప్రా
ప్తిని స్మరణన్ భళా! ద్రుతగతిం గని భక్తిఁ, ద్రిలోకగామి, ప్రా
పునుఁ గొనియున్ హరీ! మిగులఁ బోన్, ద్రిదివమ్ములు మేల్మినొందెఁ; దె
ల్విని వెలిఁగెన్! వెసన్ వఱల, శ్రీధర! మా కిడు భక్తిఁ గేశవా! 28
గర్భిత కందము:
ఇదె భక్తిచేఁ బరఁగ నా
రదుఁడే తన పూర్వపుణ్య ప్రాప్తిని స్మరణన్
గొనియున్ హరీ! మిగులఁ బోన్,
ద్రిదివమ్ములు మేల్మినొందెఁ; దెల్విని వెలిఁగెన్! 28
గర్భిత తేటగీతి:
పరఁగ నారదుఁడే తన పూర్వపుణ్య
ద్రుతగతిం గని భక్తిఁ, ద్రిలోకగామి,
మిగులఁ బోన్, ద్రిదివమ్ములు మేల్మినొందె!
వఱల, శ్రీధర! మా కిడు భక్తిఁ గేశ! 28
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి