ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఏఁబదియొకటవ పద్యము:
చంపకమాల:
హిత ఘన! రాఘవా! భరతుఁడే నిను రాజుగఁ బ్రాప్తిఁ గోర, నీ
హితమడుగన్ వెసన్ నృప మహేంద్ర! కనీయుఁ దృణీకరించి, త్రి
వ్రత! జనపూజితా! పరమ పాద నిషేవిత పాదుకాళి ధ
న్యత నిడితే! హరీ! వర వినమ్రున కిత్తె శుభమ్ముఁ గేశవా! 51
గర్భిత కందము:
ఘన! రాఘవా! భరతుఁడే
నిను రాజుగఁ బ్రాప్తిఁ గోర, నీ హితమడుగన్,
జనపూజితా! పరమ పా
ద నిషేవిత పాదుకాళి ధన్యత నిడితే! 51
గర్భిత తేటగీతి:
భరతుఁడే నిను రాజుగఁ బ్రాప్తిఁ గోర,
నృప మహేంద్ర! కనీయుఁ దృణీకరించి,
పరమ పాద నిషేవిత పాదుకాళి
వర వినమ్రున కిత్తె శుభమ్ముఁ గేశ! 51
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి