తేది: నవంబర్ 06, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణములు:
మిన్నగ నుండఁగ నెంచిన
నిన్నటి తెలగాణ రాష్ట్ర నిశ్చిత బడ్జె
ట్టెన్నఁగ నాయకులకు నీ
పున్నమి వెన్నెలయె వేఁడిఁ బుట్టించె శివా! (1)
(ఒక యువకుని స్వగతము)
"అన్నుల మిన్నల హొయళులఁ
గన్నులఁ జూడంగ, మదినిఁ గాంక్షలు హెచ్చెన్!
మిన్నంటె విరహతాపము!!
పున్నమి వెన్నెలయె వేఁడిఁ బుట్టించె శివా!!!" (2)
మూఁడవ పూరణము:
ౙన్నపుగొంగవు! నీకున్
గన్నయె నగ్గియు! మహేశ కరుణించుము! నీ
మిన్నంటు రూక్షవీక్షకుఁ
బున్నమి వెన్నెలయె వేఁడిఁ బుట్టించె శివా!! (3)
కామెంట్‌లు లేవు:
కామెంట్‌ను పోస్ట్ చేయండి