తేది: నవంబర్ 07, 2014 నాటి శంకరాభరణంలోని నిషిద్ధాక్షరి శీర్షికన ఈయబడిన
అంశం- పద్మవ్యూహంలో అభిమన్యుఁడు
నిషిద్ధాక్షరాలు - పవర్గాక్షరాలు (ప,ఫ,బ,భ,మ)
ఛందస్సు - నచ్చిన ఛందంలో
పద్యం వ్రాయమనగా
నేను వ్రాసిన శార్దూలవిక్రీడిత వృత్తము
(కౌరవులు పద్మవ్య్హూహమం దభిమన్యుని కుటిల తంత్రముతో సంహరించిన ఘటనకు విస్మయము చెందిన పాండవసేన మనోవేదన)
శార్దూలవిక్రీడితము:
"చక్రవ్యూహ సువేశితుం దతధనుర్జ్యాసక్త నారాచ ధా
రాక్రాంతాంచిత శత్రు నిర్జిత యతద్ద్రాఘిష్ఠ సన్నద్ధ యు
ద్ధ క్రీడావిహరద్ఘనవ్రతయుతుం దచ్ఛౌరి స్వస్రీయుఁడౌ
నా క్రీడిద్రుహుఁ గౌరవుల్ గుటిల తంత్రానన్విఘాతింతురా?"
కామెంట్‌లు లేవు:
కామెంట్‌ను పోస్ట్ చేయండి