పద్య రచన: శివ కుటుంబము

సీ.
నీలకంఠా! నిన్ను నిత్యమ్ము స్మరియింతు;
…..నిత్య సమ్ముద మిమ్ము, నిష్ఠ నిమ్ము;
శైలాత్మజా! నిన్నుఁ జేరి, పూజింతును;
…..శక్తి యుక్తుల నిమ్ము, శౌర్య మిమ్ము;
వక్రతుండా! నిన్నుఁ బత్త్రితో నర్చింతు;
…..సిద్ధి బుద్ధుల నిమ్ము, స్థిరత నిమ్ము;
కార్తికేయా! నిన్నుఁ గైమోడ్చి కొలుతును;
…..సద్గుణమ్ముల నిమ్ము, శాంతి నిమ్ము;
గీ.
నిరతమును నిన్ను మనమున నిల్పి, పరిచ
రింతుఁ! జల్లంగఁ జూచియు, శ్రేష్ఠత నిడి,
కావఁగా రమ్ము! స్కంధ విఘ్నహర సహిత
సాంబ! శివ! గిరిజేశ! గజరిపు! శర్వ!