నా మొదటి పూరణము:
విజయదశమినాఁడు వీరత్వమునుఁ జూపు
జైత్రయాత్ర మనకు సంస్కృతియయె!
మాయఁ దొలఁగఁ జేయు మహిష దైతేయ సం
హార మొసఁగు శుభము లందఱకును!!
*** *** ***
నా రెండవ పూరణము:
కావ్యపఠనఁ జేయఁగా నొక్క కావ్యమ్ము
ముక్కుతిమ్మనార్యు ముద్దుపలుకు
లందఁజేయునట్టిదౌ పారిజాతాప
హార మొసఁగు శుభము లందఱకును!
ముక్కుతిమ్మనార్యు ముద్దుపలుకు
లందఁజేయునట్టిదౌ పారిజాతాప
హార మొసఁగు శుభము లందఱకును!
(అపహారము=అపహరణము)
*** *** ***
నా మూఁడవ పూరణము:
కావ్యకర్తయగు జగన్నాథపండిత
రాయఁ డందఁజేసి ప్రథితకృతుల
మురియఁ జేసినట్టి ’ముంగండ’ యనునగ్ర
హార మొసఁగు శుభము లందఱకును!
రాయఁ డందఁజేసి ప్రథితకృతుల
మురియఁ జేసినట్టి ’ముంగండ’ యనునగ్ర
హార మొసఁగు శుభము లందఱకును!
(ముంగండ అగ్రహారము=జగన్నాథ పండిత రాయనికి బహుమానముగా నీయఁబడిన గ్రామము)
*** *** ***
నా నాలుగవ పూరణము:
మంత్రగాఁడ ననుచు మాయమాటలు వల్కి
మోసగించి జనుల మూట లొలుచు
ఖలులకెపుడు నిడెడు కఠినార్ధచంద్రప్ర
హారమొసఁగు శుభము లందఱకును!
మోసగించి జనుల మూట లొలుచు
ఖలులకెపుడు నిడెడు కఠినార్ధచంద్రప్ర
హారమొసఁగు శుభము లందఱకును!
(అర్ధచంద్రప్రహారము=మెడబట్టి త్రోయుట)
*** *** ***
నా యైదవ పూరణము:
అవసరార్థములిడి యానంద దాయక
మ్మైన సుకర మైన మార్గము నిడి
సౌఖ్యదాయకమగు సక్రమమౌ వ్యవ
హారమొసఁగు శుభము లందఱకును!
మ్మైన సుకర మైన మార్గము నిడి
సౌఖ్యదాయకమగు సక్రమమౌ వ్యవ
హారమొసఁగు శుభము లందఱకును!
(వ్యవహారము=వాడుక)
*** *** ***
నా యాఱవ పూరణము:
మూఢనమ్మకమున మూర్ఖులై వర్తించు
ప్రజల మానసములఁ బ్రబలమైన
జ్ఞానము నిడునట్టి సవ్య నవ్య వ్యతీ
హారమొసఁగు శుభము లందఱకును!
ప్రజల మానసములఁ బ్రబలమైన
జ్ఞానము నిడునట్టి సవ్య నవ్య వ్యతీ
హారమొసఁగు శుభము లందఱకును!
(వ్యతీహారము=మార్పు)
*** *** ***
నా యేడవ పూరణము:
మనుజులందుఁ జేరి మాన్యతలన్ డుల్ప,
దుష్టమార్గము నిడఁ, గష్టము లిడ,
సాగి గెల్వఁగ నరిషడ్వర్గపున్ సంప్ర
హారమొసఁగు శుభము లందఱకును!
దుష్టమార్గము నిడఁ, గష్టము లిడ,
సాగి గెల్వఁగ నరిషడ్వర్గపున్ సంప్ర
హారమొసఁగు శుభము లందఱకును!
(సంప్రహారము=యుద్ధము)
మధుసూదన్ గారూ,
రిప్లయితొలగించండిమీ పూరణలు అన్నీ వైవిధ్యంగా ఉండి అలరిస్తున్నవి. అభినందనలు.
ధన్యవాదాలు శంకరయ్యగారూ!
రిప్లయితొలగించండి