సమస్య: శ్రీ రమణీ లలామ నెదఁ జేర్చినవాఁడు శివుండె శంభుఁడే!

తేది: ఆగస్టు 10, 2015 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము

 

నా మొదటి పూరణము:

మార రిపుండు గోవుగను మారియు, దుగ్ధము నీయకున్నఁ, దా

దారగ చోళభూపతి సుతన్ దగ నెట్టుల పొందునో? కనన్

శౌరికి శ్రీనివాసునకు సాధు జనార్చన వందనాలికై

శ్రీ రమణీ లలామ నెదఁ జేర్చినవాఁడు శివుండు శంభుఁడే!!!

***          ***          ***          ***

నా రెండవ పూరణం:

కూరిమి నా గజాసురుఁడు కోరియు దేవతలన్ మహాపదన్
గూరఁగఁ జేయ, వారు హరు గొబ్బునఁ జేరియు, రక్ష వేడ, నా
గౌరు శిరమ్ముఁ ద్రుంచియుఁ, ద్వగంబరముం గొని, వేగ నిర్వృతి
శ్రీ రమణీ లలామ నెదఁ జేర్చినవాఁడు శివుండె, శంభుఁడే!