సమస్య: తండ్రు లేవురు గల రండ్రు ధరను బుధులు!

తేది: జులై 27, 2015 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా రెండు పూరణములు

నా మొదటి పూరణము:

కన్నవాఁ, డుపనేత, శిక్షకుఁడు, నన్న

దాతయుం, భయత్రాతయుఁ దఱచి చూడఁ

దండ్రు లేవురు గల రండ్రు ధరను బుధులు!

శంకరాభరణోత్కృష్ట! శంకరార్య!!

పై పూరణమునందు నాకు ఆధారమైన  శ్లోకమిది:

జనితా చోపనేతా చ, యశ్చ విద్యాం ప్రయచ్ఛతి, |

అన్నదాతా భయత్రాతా, పంచైతే పితరః స్మృతాః ||

***        ***        ***        ***

నా రెండవ పూరణము:

కన్నవాఁడును, నిల్లాలి కన్నతండ్రి,

వడుగుచేసినవాఁడు, గురుఁడును, నన్న

యంచు గణనసేయఁగఁ గొనియాడఁబడెడి

తండ్రు లేవురు గల రండ్రు ధరను బుధులు!