సమస్య: బ్రాహ్మణుండు కాకి పలలముఁ దిను!

తేది: జులై 26, 2015 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు (ప్రహేళికా రూపమున) నా పూరణము

విరామచిహ్నముల నుంచకముందు:

కొమ్మనుండుఁ గ్రోఁతి కోరిన సిరులిచ్చు

లచ్చి యేడ్చు శిశువు మెచ్చు మధువు

తేఁటి మంత్రములును దీపింపఁ బఠియించు

బ్రాహ్మణుండు కాకి పలలముఁ దిను!

ఈ దిగువ నున్నది చదవండి:

విరామచిహ్నముల నుంచిన పిదప:

కొమ్మనుండుఁ గ్రోఁతి; కోరిన సిరులిచ్చు
లచ్చి; యేడ్చు శిశువు; మెచ్చు మధువు
తేఁటి; మంత్రములును దీపింపఁ బఠియించు
బ్రాహ్మణుండు; కాకి పలలముఁ దిను!