మధుర కవనం: దత్తపది: శివ-హర-భవ-రుద్ర...విష్ణుస్తుతి...నచ్చిన ఛందస్సులో...

సోమవారం, ఆగస్టు 03, 2015

తేది: జూన్ 28, 2015 నాటి శంకరాభరణంలోని దత్తపది శీర్షికన ఈయబడిన

శివ - హర - భవ - రుద్ర

పదాలను ఉపయోగిస్తూ...విష్ణువును స్తుతిస్తూ

నచ్చిన ఛందంలో పద్యాన్ని వ్రాయమనగా

నేను వ్రాసిన తేటగీతి పద్యము

హరి! రథాంగపాశి! వనమాలి! రవినేత్ర!

శార్ఙ్గధర! వరాహ! రమేశ! శంఖపాణి!

పద్మనాభ! వరాంగ! సువర్ణవర్ణ!

స్వభు! గరుద్రథరథ! చక్రి! పాహి పాహి!!

(గరుద్రథరథ=[గరుద్రథుఁడు=గరుత్మంతుఁడు] గరుత్మంతుని రథముగా [=వాహనముగా] గలవాఁడా..అనఁగా ఓ విష్ణుమూర్తీ...అని తాత్పర్యము)