Blogger Tips and TricksLatest Tips And TricksBlogger Tricks

గురువారం, నవంబర్ 14, 2013

సమస్యాపూరణం: నరసింహా నిన్ను నమ్మి నాశనమైతిన్

తేది: ఆగస్టు 18, 2012 నాటి శంకరాభరణంలోని
సమస్యాపూరణం శీర్షికన ఇచ్చిన సమస్యకు
నేను రాసిన రెండు పూరణములు




(1వ పూరణ)
(నరసింహుఁడను వాఁడు ఋణము నెగఁగొట్టి పాఱిపోవఁగ, ఋణదాత యాక్రోశించు సందర్భము)

నరసింహ నామకున కొకఁ
డిరవుగ ఋణ మిడఁగ, వాఁడు నెగఁగొట్టి చనన్;
దురపిల్లి పలికె నిట్టుల
"నరసింహా! నిన్ను నమ్మి, నాశనమైతిన్!"

                     
(2వ పూరణ)
(విగ్రహాలను తస్కరించి అమ్మెడు వ్యాపారి, నరసింహస్వామి ప్రతిమను అమ్ముచు, భటులకుఁ జిక్కి, సర్వస్వముఁ గోలుపోయి, వాపోయిన సందర్భము)

"మఱుఁగునఁ బ్రతిమల బేరము
సరగున లాభముల నిడఁగఁ, జక్కఁగ జరిగెన్!
మఱి, నీ ప్రతిమ, యటు లిడెనె?
నరసింహా! నిన్ను నమ్మి, నాశన మైతిన్!"

2 కామెంట్‌లు: