తేది: జూలై 10, 2012 నాటి శంకరాభరణంలోని పద్యరచన శీర్షికన ఇచ్చిన చిత్రమునకు నేను రాసిన పద్యములు
పైస లోన నుండు పరమాత్ముఁ డిల లోన;
ధనమె మూల మయ్యె ధరణి లోన;
డబ్బు లేని వాఁడు డుబ్బుకుఁ గొఱ గాఁడు!
కాన, గూడఁబెట్టఁ గలుగు సుఖము!!
కులము గొప్పదైన; గోత్రోత్తముండైన;
విద్య యున్న; సద్వివేకమున్న;
ధనము గల్గు వాని దాసునిగా మాఱి,
సతము సేవఁ జేయు నతఁడు, నిజము!
రూపాయియె పరమార్థము;
పాపములను జేసి యైనఁ బైసను బెంచన్
దాపత్రయ పడుచుందురు;
రూపాయీ, నీకు నతులు! ప్రోవుము జనులన్!
కామెంట్‌లు లేవు:
కామెంట్‌ను పోస్ట్ చేయండి