దత్తపది: ’అక్క-అన్న-వదిన-మామ’...రావణునకు మండోదరి చేసిన హితబోధ...నచ్చిన ఛందస్సులో

తేది: జూన్ 25, 2012 నాటి శంకరాభరణంలోని

దత్తపది శీర్షికన ఇచ్చిన

’అక్క-అన్న-వదిన-మామ’ పదములను ఉపయోగించి,

రావణునకు మండోదరి చేసిన హితబోధను గూర్చి

నచ్చిన ఛందస్సులో రాయమనగా

నేను రాసిన రెండు తేటగీతులు

(1)

నాథ! య క్కపివరు మాట నాలకించి,

య న్నరుని భార్య సీతను మన్నన లిడి,

నీవ దినమణి కుల ఘను నికటమునకుఁ

జేరఁగాఁ బంపుమా మనసార నిపుడ!

(2)

స్వామి! య క్కపివరుఁడన్న పగిది, నీవ

దినమణి కుల తిలకుని సతి, జనక సుత,

సీత నాదరమున రాముఁ జెంతఁ జేర్చి,

మామక సుతతతి హతమ్ము మాన్పుమయ్య!