సాహితీ మిత్రులందఱకు, బ్లాగు వీక్షకులకు
కార్తీక పౌర్ణమి పర్వదిన శుభాకాంక్షలు!!!
తేది: అక్టోబర్ 10, 2014 నాటి శంకరాభరణంలోని న్యస్తాక్షరి శీర్షికన ఈయబడిన
అంశం- విజయవాడ.
ఛందస్సు- తేటగీతి.
నాలుగు పాదాలలో మొదటి అక్షరాలు వరుసగా బె, జ, వా, డ ఉండాలనగా
నేను రాసిన పద్యములు:
నా మొదటి పద్యము:
బెబ్బులిని బండిగాఁ గొని వెలుఁగులిడు, వి
జయము లందించి, కాచెడు, జనుల వెత ని
వారణమిడు కనకదుర్గ వదనమునఁ బొ
డమిన మెఱపుచే విజయవాడయె వెలుంగు!!
*** *** *** ***
నా రెండవ పద్యము:
బెడఁగు నడ, వినయాంచిత వీక్ష, రాగ
జన వితరణ, మాంధ్రుల మానసాంబుజ చిర
వాసిత కరుణాలయ దరహాస ధార,
డగ్గఱించెడి కుతుక, మటన కనికరి!!
పై పద్యమున నొక చమత్కారము కలదు.
నాల్గు పాదములలోని...
మొదటి గణపు మొదటి యక్షరములఁ గలిపిన "బెజవాడ" యని,
మూఁడవ గణపు మొదటి యక్షరములఁ గలిపిన "యాంధ్రులకు"నని,
యైదవ గణపు మొదటి యక్షరములఁ గలిపిన "రాజధాని"యని
చమత్కరించుట జరిగినది.
వర్ణితాంశము విజయవాడ సుగుణమే!
ఇందు దొసఁగు లుండవచ్చును. పాండిత్యప్రకర్ష కొఱకుఁ గాక, చమత్కార సాధనకై మాత్రమే నేను దీనిని వ్రాసితిని. కవిమిత్రులు మన్నించి యాదరింపఁగను, దొసఁగులున్న సవరణములు సూచింపఁగను మనవి.
భలే!
రిప్లయితొలగించండిఅద్భుతం!
రిప్లయితొలగించండిన్యస్తాక్షరిలో నామగోపనం.
మీ కవితాచమత్కృతికి నమోవాకాలు.
రహ్మానుద్దీన్ షేక్ మఱియు కంది శంకరయ్యగార్లకు ధన్యవాదాలు.
రిప్లయితొలగించండి