సమస్య: హింస కలుగఁ జేయు హితము భువికి

తేది: అక్టోబర్ 02, 2012 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణములు.

(మహాత్ముని యహింసా పద్ధతిలో సహాయ నిరాకరణముఁ జేసిన, భరత భూమికి హితము కలుగఁ గలదని యాశయము)

(1)

తెల్ల దొరలకన్న, నల్ల దొరలు దేశ

భక్షకులయి రిల్లు వల్లకాడె!

త్యాగ శాంతి సత్య ధర్మాలకన్న న

హింస కలుగఁ జేయు హితము భువికి!

(2)

హింస కలుగఁ జేయు హితము, భువికి నేమి

యున్నదయ్య? దానఁ గలుగు నష్ట

మింత యనియుఁ జెప్ప నేరికి సాధ్య? మ

హింసయే గెలుచును! హితముఁ గనును!!