తేది: జూన్ 29, 2012 నాటి శంకరాభరణంలోని
పద్యరచన శీర్షికన ఇచ్చిన చిత్రానికి
నేను రాసిన పద్యములు
బ్రతికితి మున్ను డబ్బు గలవానిగ; గర్వముతో దరిద్రులన్,
మెతుకు విదుల్పకుండ, మఱి మిక్కిలి పాఱఁగఁ ద్రోలి, నవ్వితిన్!
హితము గనంగలేక, మద మెక్కియు, నెన్నఁడు దానధర్మముల్
మతిఁ దలఁపన్ సహింపకయె, మాన్యత వీడితి పుణ్యదూరునై!
పిసినితనమున ధనమును విరివిగాను
కూడఁబెట్టితి; నేనును గుడువకుండ!
దానహీనుఁడ నయ్యును, ధనికుఁ డైతి!
తిండి తినక, ధనము దీక్షతోడఁ
గాయుచుంటి మిగులఁ గాపలదారుగా;
నొక్కనాఁ డలసితి మిక్కుటముగ!
డది గమనించియును నచటి నా ధనమంతన్
వెదకి వెదకి మొత్తము తన
మది మెచ్చఁగ దోచుకొనెను; మట్టియె మిగిలెన్!
ధనము, గర్వము తొలగించె దైవ మపుడు!
దానధర్మాలు సేయక ధనము నెపుడు
కూడఁబెట్టి, కావలదు భిక్షుకులుగాను!!
కామెంట్‌లు లేవు:
కామెంట్‌ను పోస్ట్ చేయండి