తేది: ఆగస్టు 23, 2012 నాటి శంకరాభరణంలొని పద్య రచన శీర్షికన ఇచ్చిన చిత్రమునకు నేను రాసిన సీసపద్యము
సీ.
భూమి భారముఁ దీర్ప భువిలోన జన్మించి,
రౌహిణేయునిగాను రహిని వెలిఁగె;
దేవకీ గర్భస్థుఁడే మాత రోహిణీ
గర్భానఁ బుట్టి సంకర్షణుఁ డయె;
నల ప్రలంబునిఁ జంపి,యధివహించె నతండు
వర బిరుదము ప్రలంబఘ్నుఁ డనఁగ;
నీలాంబరము నెప్డు నెఱి ధరియించి వె
లసియుఁ దా నిలను నీలాంబరుఁ డయె;
గీ.
నతఁడె శ్రీకృష్ణు నగ్రజుం; డతఁడె సీర
పాణి; తాళాంక; బలభద్ర వర బిరుదుఁడు;
నట్టి రేవతీ రమణుఁడు నతని నెపుడు
సంస్తుతింతును నిత్యమ్ము స్వాంతమందు!
కామెంట్‌లు లేవు:
కామెంట్‌ను పోస్ట్ చేయండి