Blogger Tips and TricksLatest Tips And TricksBlogger Tricks

శుక్రవారం, మే 09, 2014

సమస్య: అవినీతికి సాటి ధర్మ మవనిన్ గలదే

తేది: సెప్టెంబర్ 22, 2012 నాటి శంకరాభరణంలోని సమస్యాపూరణం శీర్షికన ఇచ్చిన సమస్యకు నా పూరణము

సవన శ్రుతిపఠ నర్త ధృ
తి వితర ణాలోభ సహన దివ్యతపము ల
ష్టవిధమ్ములు! నీతికిఁ దో
డవి!! నీతికి సాటి ధర్మ మవనిన్ గలదే?
(1.సవనము=యజ్ఞము, 2.శ్రుతిపఠనము=వేదాధ్యయనము, 3.ఋతము=సత్యము, 4.ధృతి=ధీరత్వము, 5.వితరణము=దాతృత్వము, 6.అలోభము=లోభరహితత్వము, 7.సహనము=క్షమాగుణము, 8.దివ్యతపము=గొప్ప తపస్సు అని ధర్మము ఎనిమిది విధములు. అవి (ఆ ఎనిమిది ధర్మములు) నీతికి తోడుగా నిలుస్తాయి. కావున అట్టి నీతికి సాటియైన ధర్మము ఈ భూలోకమున కలదా? లేదు అని భావం.)

ఇజ్యాధ్యయనదానాని, తపస్సత్యంధృతిక్షమా|
అలోభ ఇతి మార్గోఽయం, ధర్మశ్చాఽష్టవిధః స్మృతః||
-భారతము

(యజ్ఞము, అధ్యయనము, దానము, తపస్సు, సత్యము, ధైర్యము, క్షమ, లోభరాహిత్యము - అని ధర్మము ఎనిమిది విధములు)

కామెంట్‌లు లేవు:

కామెంట్‌ను పోస్ట్ చేయండి