Blogger Tips and TricksLatest Tips And TricksBlogger Tricks

ఆదివారం, మే 18, 2014

అమరమూర్తి జాతిపిత మహాత్మా గాంధీ!

తేది: అక్టోబర్ 02, 2012 నాటి శంకరాభరణంలోని పద్య రచన శీర్షికన ఈయబడిన చిత్రమునకు నా పద్యము.



సీ.

తెల్లవారల మత్తు దించంగ సమకట్టి
        సత్యాగ్రహముఁ జేయు సాధుమూర్తి!
వర్ణభేదము లింక వలదంచు దళితుల
        హరిజనులని పిల్చు హవనమూర్తి!
పేదలకే వస్త్ర మేది? నా కేలంచు
        నంగీల విడిచిన త్యాగమూర్తి!
దేశమంతయుఁ గోరు దేశనాయకుఁ డయ్యుఁ
        బదవిఁ గోరనియట్టి భవ్యమూర్తి!
గీ.
జాతిపితయై చెలంగిన సత్యమూర్తి!
బాలలకు గాంధితాతయౌ భద్రమూర్తి!
స్వార్థ మించుకయును లేని నఘమూర్తి!
యంజలింతు మహాత్ముఁడా! యమరమూర్తి!


స్వస్తి


వ్యాఖ్యలు లేవు:

వ్యాఖ్యను పోస్ట్ చెయ్యండి