పద్య రచన: మాతా..త్రిదేవీ...త్రిమూర్త్యాత్మికా!

తేది: సెప్టెంబర్ 10,2012 నాటి శంకరాభరణంలోని పద్య రచన శీర్షికన ఇచ్చిన చిత్రమునకు నేను రాసిన పద్యములు

శా.
చేతన్ వీణ ధరించి, విద్యలొసఁగన్ శ్రీ వాణివై నిల్చి, స
చ్చేతోమోద విశేష సంపద లిడన్ శ్రీ లక్ష్మివై నిల్చి, యా
చేతోఽoశుల్ మొఱ వెట్ట; శక్తి నిడఁగన్ శ్రీ గౌరివై నిల్చి, స
చ్చైతన్య మ్మిడి, యో త్రిదేవి! యిట విశ్వమ్మున్ దగన్ బ్రోవుమా!!

కం.
వాణీ! వీణా పాణీ!
పాణి స్థిత సకల విభవ భాస్వ ల్లక్ష్మీ!
ప్రాణేశార్ధాజిర శ
ర్వాణీ! ధీ బల ధనాఢ్య! వరదాయి! భజే!!