తేది: ఆగస్టు 25, 2012 నాటి శంకరాభరణంలోని పద్యరచన శీర్షికన ఇచ్చిన చిత్రమునకు నేను రాసిన సీసపద్యము
కలియుగాంతమ్మునఁ గల రాజు లందఱుఁ
జోర సములు గాను; క్రూరులుగను
వర్తించుచుండఁగాఁ బ్రబల యశస్కుఁడు
విష్ణుయశుండను విప్రు నింటఁ
గల్కి నామమ్మున ఘను విష్ణు నంశాన
జనన మందియుఁ దాను జగమునందు
దుష్ట శిక్షణమును; శిష్ట రక్షణమును
జేసియు మనకిడుఁ జిర యశమ్మ
టంచును బురాణములు వచియించుచుండె!
నేఁడు నెటఁ జూడఁ బాపులై నెగడు వారె;
చెడుగు పనులెన్నొ పూనియుఁ జేయువారె!
వెంటనే రాఁ గదే కల్కి వేగిరముగ!
కామెంట్‌లు లేవు:
కామెంట్‌ను పోస్ట్ చేయండి