అల-కల-తల-వల పదములనుపయోగించి
రావణుని చెరలో సీత మనోగతాన్ని తెలుపుతూ
స్వేచ్ఛాచ్ఛందమున పద్యం రాయమనగా
నేను రాసిన సీసపద్యము
(అశోకవనమున రాక్షసస్త్రీల నడుమఁ జెఱలోనుండి శ్రీరామునిఁ దలఁచుకొనుచు సీత విలపించు సందర్భము)
॥సీ॥
అలరారు నడలతో ♦ నలరు బంగరు జింకఁ
గోరఁగ, నీ వేగ, ♦ నలవికాని
సకల మాయలఁ గ్రమ్మి, ♦ సరగున నిఁక లంక
కునుఁ దెచ్చి, కలఁగించెఁ ♦ గూటవృత్తుఁ
డగు పదితలల దుం ♦ డగుఁడు, దుశ్చింతల
వంతల నిడె నాకు ♦ బలిమితోడఁ;
జావవలచియుంటి ♦ సత్వర మ్మీవిట
నడుగిడకున్న, దా ♦ నవల వలన!
॥గీ॥
నలవి కానట్టి చెఱను నే ♦ ననుభవించు
చుంటి; వికలమాయెను హృది; ♦ శోభ తలఁగెఁ;
దలఁపులో నిన్ను నిలిపితి; ♦ దనుజుఁ జంపి,
త్వరగ ననుఁ జెఱనుండి యీ ♦ వలకుఁ దెమ్ము!!
కామెంట్‌లు లేవు:
కామెంట్‌ను పోస్ట్ చేయండి