పద్య రచన: ఆధ్యాత్మిక హిందూతేజం...వివేకానందుడు

తేది: ఆగస్టు 07, 2012 నాటి శంకరాభరణంలోని పద్య రచన శీర్షికన ఇచ్చిన చిత్రమునకు నేను రాసిన పద్యములు

"ఱాలఁ బూజించు టేల? విగ్రహములందు

దేవుఁ డుండునా?" యనుచు వాదించునట్టి

మూర్ఖుఁ డాళ్వారు రాజుకు మోహ మూడ్చి,

జ్ఞాన మందించినట్టి విజ్ఞాని యతఁడు!

భరత సంస్కృతిఁ బరదేశ వాసులకును

జాటి చెప్పి, మెప్పించిన సాధు వతఁడు;

రామకృష్ణుని ప్రథమ వారసుఁ డతండు;

శిష్యుఁ డిట్లుండునని చాటు శ్రేష్ఠుఁ డతఁడు!

భరత యువకుల దివ్యమౌ భవిత కొఱకు

బోధనలు సల్పి, వెలుఁగొందు బుద్ధుఁ డతఁడు;

హితము వివరించినట్టి నరేంద్రుఁ డతఁడు;

నతులు! ఆ వివేకానందునకు వినతులు!!