Blogger Tips and TricksLatest Tips And TricksBlogger Tricks

ఆదివారం, జులై 20, 2014

సమస్య: దశరథుని శబ్దభేది మోదమ్ముఁ గూర్చె

తేది: జులై 14, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము


(పంచపాది)
శాపమే లేనిచో, రామ సహిత రామ
లక్ష్మణుల వనవాసాన రావణుండు
జానకినిఁ జెఱ నిడ, వానిఁ జంపి, జనుల
కష్టములఁ బాపు టెట్టులఁ గలుగుఁ? గాన,
దశరథుని శబ్దభేది మోదమ్ముఁ గూర్చె! (౧)

శాపవశమున రాముఁడు జనన మంది,
జానకీపతియై, వనిఁ జని, యసురపు
వైరమునఁ బోరి, చంపఁగఁ బ్రజల కపుడు
"దశరథుని శబ్దభేది" మోదమ్ముఁ గూర్చె! (౨)

కామెంట్‌లు లేవు:

కామెంట్‌ను పోస్ట్ చేయండి