నిత్య హరినామ స్మరణముచేఁ బ్రహ్లాదుఁడు తన్మయత్వమునఁ దేలియాడు ఘట్టము...
సీ.
"కంజాక్షునకు నిడు కాయమే కాయమ్ము;
.....పవన గుంఫిత చర్మ భస్త్రి గాదు!
వైకుంఠుఁ బొగడెడు వక్త్రమే వక్త్రమ్ము;
.....డమడమ ధ్వని తోడి ఢక్క గాదు!
హరి పూజనము సేయు హస్తమే హస్తమ్ము;
.....తరుశాఖ నిర్మిత దర్వి గాదు!
కమలేశుఁ జూచెడి కన్నులే కన్నులు;
.....తనుకుడ్య జాల రంధ్రములు గావు?
ఆ.వె.
చక్రి చింతయున్న జన్మమే జన్మమ్ము;
తరళ సలిల బుద్బుదమ్ము గాదు!
విష్ణు భక్తియున్న విబుధుఁడే విబుధుండు;
పాద యుగము తోడి పశువు గాదు!"
తే.గీ.
అనుచు మనమున హరినిల్పి యనిశము, హరి
కథల భజియించి, యర్చించి, కమలనాభు
సంస్మరణము సేసియు, విష్ణుఁ జరణ కమల
ములను స్తుతియించి, ప్రహ్లాదుఁ డిలను మిగులఁ
దన్మయత్వానఁ బాడుచుఁ దనను మఱచు!
కామెంట్‌లు లేవు:
కామెంట్‌ను పోస్ట్ చేయండి