మిత్రులందఱకు నమస్సులు!
హర స్తుతి!
[గర్భకవిత్వము]
కంద, స్వాగతవృత్త, తేటగీతి గర్భ చంపకమాలావృత్తము
చంపకమాల:
పురహర! ప్రోవరా! స్మరరిపూ! సురసేవ్య! వృషధ్వ! జాజ! సు
స్థిర! సుర ధీవరా! వృషపతీ! పరమేశ! విభిన్న! త్ర్యక్ష! శం
కర! వర! కావరా! హరిస! ఖాహిరి తోష! చిరాయువంద్య! యే
లర! ప్రవరా! విధూ! సతము ప్రార్థన సేతు విశాఖ! రమ్మురా!
పై చంపకమాలలో దాఁగియున్న ఇతర పద్యములు ఈ దిగువ నీయఁబడినవి:
గర్భిత కందము:
హర! ప్రోవరా! స్మరరిపూ!
సురసేవ్య! వృషధ్వ! జాజ! సుస్థిర! సుర ధీ
వర! కావరా! హరిస! ఖా
హిరి తోష! చిరాయువంద్య! యేలర! ప్రవరా!
గర్భిత స్వాగత వృత్తము:
ప్రోవరా! స్మరరిపూ! సురసేవ్యా!
ధీవరా! వృషపతీ! పరమేశా!
కావరా! హరిస! ఖాహిరి తోషా!
రా! విధూ! సతము ప్రార్థన సేతున్!
[ర న భ గగ గణాలు, 1 - 7 యతిమైత్రి]
గర్భిత తేటగీతి:
స్మరరిపూ! సురసేవ్య! వృషధ్వ! జాజ!
వృషపతీ! పరమేశ! విభిన్న! త్ర్యక్ష!
హరిస! ఖాహిరి తోష! చిరాయువంద్య!
సతము ప్రార్థన సేతు విశాఖ! రమ్ము!
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి