Blogger Tips and TricksLatest Tips And TricksBlogger Tricks

శనివారం, సెప్టెంబర్ 12, 2015

సమస్య: తండ్రు లేవురు గల రండ్రు ధరను బుధులు!

తేది: జులై 27, 2015 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా రెండు పూరణములు




నా మొదటి పూరణము:
కన్నవాఁ, డుపనేత, శిక్షకుఁడు, నన్న
దాతయుం, భయత్రాతయుఁ దఱచి చూడఁ
దండ్రు లేవురు గల రండ్రు ధరను బుధులు!
శంకరాభరణోత్కృష్ట! శంకరార్య!!




పై పూరణమునందు నాకు ఆధారమైన  శ్లోకమిది:
జనితా చోపనేతా చ, యశ్చ విద్యాం ప్రయచ్ఛతి, |
అన్నదాతా భయత్రాతా, పంచైతే పితరః స్మృతాః ||

***        ***        ***        ***




నా రెండవ పూరణము:
కన్నవాఁడును, నిల్లాలి కన్నతండ్రి,
వడుగుచేసినవాఁడు, గురుఁడును, నన్న
యంచు గణనసేయఁగఁ గొనియాడఁబడెడి
తండ్రు లేవురు గల రండ్రు ధరను బుధులు!


2 వ్యాఖ్యలు:

  1. మిత్రులు భాస్కర శర్మగారికి నమస్సులు! మిత్రమా బాగున్నారా? మీ సోదరులు నారాయణ మూర్తి ఎలా ఉన్నారు? మీ కవితా వ్యవసాయం ఎలా నడచుచున్నది? తెలుపగలరు!

    మీరేదో చెప్పాలనుకొని...అర్ధాంతరంగా మానుకొన్నట్టున్నది! నేను...అని ఆగారు! ఆ తర్వాత...?

    ప్రత్యుత్తరంతొలగించు