సమస్య: శేషశయను పూజ సేయరాదు

మిత్రులకు, శ్రేయోఽభిలాషులకు, సుకవి పండిత మిత్రులకు, బ్లాగువీక్షకులకు

వినాయక చతుర్థి పర్వదిన శుభాకాంక్షలు!

తేది: ఆగస్టు 21, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము:

(హిరణ్యకశిపుఁడు ప్రహ్లాదునకు మనసా, వాచా, కర్మణా హరినామస్మరణము సేయరాదని యుపదేశించు సందర్భము)

రాక్షసేంద్రుఁ డిట్లు ప్రహ్లాదునకుఁ జెప్పె

"హరి యటంచుఁ బలుక కయ్య యెపుడు;

తలఁపవలదు నీవు దనుజాంతకున్ మదిన్;

శేషశయను పూజ సేయరాదు!"